Sicily, Italy.
Quannu la luna è pallita, chiovi; quannu è russa, fa ventu e quann'è chiara fa sirinità
Quannu la gatta trippía, malu tempu
Quannu la gatta si lava la facci, signu ch'havi a chioviri
Quannu in marzu suli e acqua 'ncuttu sempri cu acqua e suli carricari fa li muli
Quannu chiovi di matina, / Pigghia l'aratu e va sinìna; / quannu chiovi di vèspiru a notti, / va mèttiti li botti
Quannu canta lu gaddu fora d'ura, / a canciari lu tempu 'un addimura
Pruvularzu di jinnaru càrrica lu sularu
Nun c'è simana santa senza quinta né quinta senza sciloccu
Nun c'è quinta senza sciloccu né fimmina senza nnoccu
Natali cu lu suli e Pasqua cu lu tizzuni: chissa è la vera staciuni
Nagghia vascia bon tempu lassa
La nivi marzalora / la notti cadi e lu jornu 'un si trova