L'istä d'San Martèn [/] al dura tri dì e 'n poctèn
Quand San Martèn troèuva i foss sutt, tutt' l'ann va sutt
Santa Cataren'na o nèva o bren'na
Sant' Andrea cap d' l'invèren
Se pioèuva 'l dì d'Santa Bibiàna pioèuva quaranta dì e 'na stmana
Nadäl al Sôl, Pasqua al stizz
Nè cäld, nè zèl rèsten mäi in cièl
Quand la plùga va de znär, [/] poca paia va 'l paiär
Quand la vrespa gira d'znär, [/] ten dacàt al to paiär
Znär sutt, gran per tutt
Pòlvra e fredd de znär l'impìssa 'l granär
San Läri mercànt da neva
Fevraroèul curt curt, pez d'un turc
Se 'l trôn canta innanz al cucc, [/] tutt l'annäda va strabûcc
Sant'Antòni da la gran ferdùra, [/] San Lorènz da la gran caldùira, [/] vôn e l'äter poc al dura
Santa Gnèsa [/] l'arzintèla per la zèza
San Biäz porta la nèva in t'al näs
Se fervär ne fervaräzza, märz mäl pensa
Per San Valintèn [/] tutt i vent s'vòlten in marèn
März marzòn, tri cattiv e 'n bòn
