Cantó d'Albertville

A Stalandet loe moustelions, [/] A Paquet loe gliaçons

Avril mollia, [/] Fâ Mai follia

Bise de Mâr, vê d'Avri, [/] Font la r'stessa di paii

É fodre qu'i mà de Mai, [/] É plovisset tottet let niuais

La bise di matin, [/] Vaut pas on pet de stin

La nà i mà de Mars vaut de blâ, [/] Mais baillet on mà d'Avri zélà

La Sàzon tardiva, [/] Vint jamais vida

Le mà de Mâr doeu, [/] Fâ on an mêléroeu

Les niôlet rozet la niuai, [/] Sestont loe mouillais

Let niôlet rozet le matin, [/] Font verier la roa dé moelins

Let vépoe-rnais di mà d'aout, [/] Trompont loe fins et loe fous

Quand é pleut le premier demâr de la lena, [/] É pleut toe le long et é fâ de la meda

Quand é pleut le zeur de la St Médâ, [/] É pleut quaranta zeurs sê placâ

Quand é ton-net i mà d'Avri, [/] Petious et grands dàvont se réjoui

Quand é ton-net i mà de Mâr, [/] Petious et grands dàvont pleurâ

Quand l'hivér est trop staud, [/] É promet pas on stôté biau

Quand la lena roze quemêcet è lion, [/] Le foe-rnà toezoe ê moeuton

Quand let niôlet sont chu la montagne de Stevron, [/] Atté la plôdze et raista tranquille à la màzon

Quand let niôlet vont dava, [/] Prê la dâille et copa

Quand loe blâ sont é fleur, [/] É loe fodre la gourze d'on foeur