ALAIMO, Emma - Proverbi Siciliani

Quannu chiovi di matina, / Pigghia l'aratu e va sinìna; / quannu chiovi di vèspiru a notti, / va mèttiti li botti

Quannu in marzu suli e acqua 'ncuttu sempri cu acqua e suli carricari fa li muli

Quannu la gatta si lava la facci, signu ch'havi a chioviri

Quannu la gatta trippía, malu tempu

Quannu la luna è pallita, chiovi; quannu è russa, fa ventu e quann'è chiara fa sirinità

Quannu li groi passanu a fileri [/] la mala attimpata 'un po' mancari

Quannu passa lu groi [/] punci lu voi

Quannu lu tempu si muta, [/] la vèstia stranuta

Quannu nni cuverna lu Punenti, / frummentu e racína nu nni sgrana nenti

Sant'Antoni la gran friddura, / san Lorenzu la gran calura: / l'unu e l'àutru pocu dura

Sciloccu d'invernu, acqua a lu mumentu

Si frivaru nun frivía, marzu ervuría

Si jinnaru 'un jinnaria, frivaru malu pensa

Si marzu nun marzía, giugnu pinía

Si si metti a tramuntana, / appizza a chiòviri pri 'na simana

Sutt'acqua fami, [/] sutta nivi pani

Terzu brillanti, / quaranta duranti

Un sittembri càudu e asciuttu maturari fa ogni fruttu

Annata nivaria, annata frumentaria