Pruverbii di Corsica
Marzu, catarzu
Marzu inculpatu ma aostu incausatu
Marzu asciuttu, granu per tuttu
Marzacciu di sette barrette, [/] Una caccia è l'altra mette
Lurcu di sera, sparghji le vele
Lurcu di mane, ùn vale una quattrina [/] Lurcu di sera, bon tempu spera
Lurcu di mane, acqua à funtane [/] Lurcu di sera, bon tempu spera
L'acqua, meza aprile è maghju, carca (paga) u carru è u carriaghju
In di i mesi cun l'"erra" [/] Marchja à u sole è ùn pusà in terra
In candelara l'invernu si prepara
Ghjennaghju inghjennera, ferraghju intennera, marzu move
Ghjennaghju cutrura, ferraghju parura, marzu asciuttu, aprile bagnatu, beatu à chì hà suminatu
Fin di la mane, si vede u bon dì
Ferraghju hà setti barretti [/] Una caccia è una metti
Ferraghju è ferraghjettu, neve è ventu ancu ind'è u lettu
Dopu u gattivu tempu u sole luce
Diu ti guardi di un bon ghjennaghju
Dicembre, dicembre [/] Daretu mi cotru, davanti m'incendu
Di Natale in dà freddu in quantità
