Corsican

A lu dôdici d’aprili, [/] u cuccu è juntu ô d'è par vèna; [/] s'èddu ùn è juntu u diciôttu, [/] ô è malatu ô êddu è môrtu

A lu sôli marsulinu, [/] na dà capu, ne dà spìnu

A mane di San Biasgiu u sole allonga u so ragiu

À quandu maghju hè urtulanu assai paglia è pocu granu

Acqua d'aostu: ôliu e mostu

Acqua di luddu, ùn faci bè à nudda

Aprile è maghju lumacaghju

Arcu da sera, bèddu tempu si spera; [/] arcu da mani, acqua à funtani

Aria à fette lampi è saette

Aria à pecurelle acqua à catinelle

Aria pecurina, s'ellu ùn piove a sera piove a matina

Aria rossa di sera, bon tempu spera

Buriana d'aostu è tempera di sittembre

Celi fattu à pani, [/] ô piôvi ôji, ô piovi dumani

Chi cunuscesse l'acqua di ghjennaghju lascierebbe u so vinu à maghju

Chì sumena u ventu ne racoglie a timpesta

Ciriôla, ciriôla, [/] s'èddu è acqua ô s'èddu è ventu, [/] di l'invernu sèmu drentu...; [/] s'èddu è nèvi ô granjola, [/] di l'invernu sèmu fôra

Ciriola, ciriola, [/] S'ellu venta o s'ellu piove [/] Di l'invernu semu fora [/] Ma s'ellu hè sole è bellu tempu [/] Per trenta ghjorni semu dentru

Da Natali indà, frètu e fami à vulintà

Di dicembre cascanu i membri