Quand che canta e' rangiòn e' sén fura dl'autòn
Se canta e' gal fura d'ora / e' temp e' va in malora
Tra al dó Madón se e' sech l'avnirà, l'arvena dla campagna la sarà
E' Signor e' mande l'êrchbalèn parchè la zenta la tuless esempi da ló; se de' ross l'avrà bundanza 'd ven, se de' bianch de' gran bon, se de zal de' furmintòn, se de' verd l'arcôlt dl' ôli l'è bon 'd Ʒert
L'êrchbalèn l'ha sët culur che i segna: gran, furmintòn, fasùl, uva, uliv, frut, marƷùl
MêrƷ srén e sót, pôca paja e gran par tot
Quand che al núval a'l va a e' mêr taca i bù e va a lavurê; quand al núval a 'l va a la muntagna staca i bù e va a la capana [sic]
Se piôv ad fabrêr l'impiness e' granêr
Se piôv par San Barnabà l'uva bianca la s'n'in va, se piôv matena e sera u s'n'in va neca la negra
Tot j arcult ch' a farì s' i srà bun u 'l dirà l'êrchbalèn, tot j arcult ch'u s' farà l'êrchbalèn u' ve' dirà
Abrìl, aqua e sol dà fura al sprunzôl
A la lona sitimbrena sët lon a gli s'inchena
Êria rossa o che piôv o che soffia
E' vent ad marena e' porta la buraschena
La bura la porta e' srèn
La curena l'ha e' barìl drì da la schena
MêrƷ di vent, abrìl di temp
Se int una massa pr'al caler / al furmigh a 'l dà fura da e' furmigher, / e' vò dì che tra pôch e' piôv
Se piôv par San Gregori tot nuvémbar l'è un dimôni