ALAIMO, Emma - Proverbi Siciliani

A la Cannilora lu 'nvernu è fora

A la Santa Cannilora, [/] s'un ci nivica né chiova, [/] la 'nvirnata è nisciuta fora

A la Santa Cannilora, si cci nivica o cci chiova, quaranta jorna cci nn'è ancora

A quattru cosi crèditu nun dati: amuri di donna e carità di frati, suli d'invernu e nuvuli di stati

Acqua d'agustu, ogghiu, meli e mustu

Acqua d'aprili lu porco ocidi, lu voi 'ngrassa e la pècura ridi

Acqua di giugnu cunsuma lu munnu

Acqua di maju assuppa viddani e signuri quantu nn'incontra

Acqua e suli fa lavuri, [/] acqua e ventu fa frummentu

Acqua e zappudda fannu cipudda

Annata di nivi, annata d'olivi

Annata nivaria, annata frumentaria

Aprili chiuvusu, maju vinturusu: annu fruttuusu

Arcu siritìnu fa bon tempu a lu matinu, arcu matinali jinchi pùzzura e funtani

Ariu picurinu / o Livanti o Punenti o Sciloccu finu

Ariu russu: o acqua o ventu; si nun chiovi, fa bon tempu

Burrasca furiusa prestu passa

Celu picurinu, / s'un chiovi oj, chiovi a lu matinu

Chiaranzana di 'nvernu [/] diavulu di 'nfernu

Cu sciloccu jetta simenza, cu tramuntana no