ALAIMO, Emma - Proverbi Siciliani

Ariu russu: o acqua o ventu; si nun chiovi, fa bon tempu

Burrasca furiusa prestu passa

Celu picurinu, / s'un chiovi oj, chiovi a lu matinu

Chiaranzana di 'nvernu [/] diavulu di 'nfernu

Ddiu nni scanza di cuda di marzu e di testa di aprile

Fibrareddu è curtuliddu, [/] ma nun c'è cchiù tintu d'iddu

Frivaru, quann'è chiuvusu, è assai lucrusu

Jinnaru siccu, massaru riccu quannu dicembri metti lu lippu

L'acqui di l'Assunzioni, [/] pigghiatilli ca su' boni

La luna di marzu règula sei misi

La luna di settèmmiru cuverna setti luni

La nivi marzalora / la notti cadi e lu jornu 'un si trova

Natali cu lu suli e Pasqua cu lu tizzuni: chissa è la vera staciuni

Nagghia vascia bon tempu lassa

Nun c'è quinta senza sciloccu né fimmina senza nnoccu

Nun c'è simana santa senza quinta né quinta senza sciloccu

Pri Santa Chiara [/] ogni stizza 'na quartara

Per S. Franciscu [/] nesci lu caudu e trasi lu friscu

Pruvularzu di jinnaru càrrica lu sularu

Quannu canta lu gaddu fora d'ura, / a canciari lu tempu 'un addimura