invierno

Cuando la culebra sal antes del mes d’Abril, el ivierno ta por venir

Al iviernu non lu come 'l llobu

Cuando 'l iviernu 'scomienza ensuchu, claru y templau, con fríos, nieves y xelos[,] acabará de cuntao

Esti añu[,] muyerina[,] xelósenos el formientu, con ocho meses de iviernu y otros cuatro de mal tiempu

Querer de xenru, sol d'iviernu

Si juera buenu'l otoñu y el iviernu secu juera, seguro ye qu'ha vinir moyada la primavera

Veranu con muncha sede, iviernu con muncha nieve

Cuando les ñubes paecen trapos de ñeve, en veranu siñal de vientu; en ivierno ñeve al cantu

Chovas[,] chovas[,] pa'l payar, qu'en invierno va nevar

Cuando las vacas moscan antes d'Abril, tá el invierno por venir

Si la coruxa de nuechi canta pa lo solano, nieva si ye'n ivierno y llueve si ye'n verano

Si canta'l sapu antes d'Abril, ta'l ivierno por vinir

Mayu ya Setiembre son dos hermanos, el uno d'invierno ya 'l outro de vranu

Pascua alta Pascua baxa, el ivierno hasta Pascua

Pascua alta Pascua baxa, el ivierno hasta Pascua, pero que nadie vienda la yerba hasta que San Marcos pasa

Pascua alta, Pascua baxa, el ivierno hasta San Xuan

El aire solanu, malu de ivierno y pior de veranu

Amistá de xenru, sol pel inviernu

El día la Candelera 'l iviernu fuera, si non nevó y quier nevar, el iviernu por pasar

Po la Candelera, si non nieva y quier nevar, el inviernu por empezar, y si nieva o está nevando, el invierno está acabando