CASTAÑÓN, Luciano - Refranero asturiano

Si l'agua gorda se fai fina, non abocana tan aína

Si juera buenu'l otoñu y el iviernu secu juera, seguro ye qu'ha vinir moyada la primavera

Si hay borrín per Ventaniella, puedes salir sin capiella

Si gufen muncho y s'axunten los mosquitos y moscones dempués que s’esconde'l sol, bon tiempu en to les ocasiones

Si Febreru non febrexa, pa Marzu lu aparexa

Si falta 'l novenario de Mayo, fame too'l año

Si está colorau el cielo, aire ahora, agua lluego

Si ente Mayo o Abril non vengo, cuntaime muerto o al rey sirviendo

Si enes Pascues muncho llueve, llabraor "alegre"

Si en Febreru oyes tronar, ya puedes encontar la panera y el payar

Si en Febreru llueve muncho, non te faltará bon cucho

Si el verano ye muyau, será'l otoñu templau

Si el turbón está por Oviedo, no temas[,] marinero

Si el tiempu entra del noroeste y al nordeste se te rola, non esperes más que mal tiempu, con el agua hasta la bola

Si el sol fai colar lluego la ruciá, ye siñal de lluvia declará

Si el gatu se llava tres de la oreya, tamién llava so llana la oveya

Si el Estoupo tien niebla, echa la capa, que nieva

Si el cuquiellu non vien ente Marzo y Abril, ye que'l cuquiellu morrió o el Rey va morir

Si el cuervu glaya pe la mañana, ya tá 'l güen tiempu a la ventana

Si el cielu non tá ñuble y pierden so claridá, ye una siñal de que pronto habrá tempestá