DEL FABRO, Adriano - Proverbi e modi di dire del Friuli

Se al plûf il dì di sant'Urban, si bêf la fin da l’an

Sant'Urban saren, san Vît ploiôs: an mostôs e granôs

Frescure di jugn, il rap in cuâr e la ruvine dal mulinâr

Jugn secut, jerbe a stint

Se al plûf il dì da lis Pentecostis, dutis lis racoltis a son nostris

Jugn sut, anade scarse; masse bagnât, né pan né vin; ploie moderade, buine anade

Ploie a san Barnabà, il vin al va

Cuant che al plûf il dì di san Vît, il prodot de ùe al va falît

Trope ploie a san Vît e Modest, je plui di un pest

Cjalt denant di san Zuan, ’l è dut ingjan

Cuant ch’al plûf il dì di san Zuan, si sbusin lis coculis

Cuant ch’al plûf a san Zuan, cjalt e sec in tal plan

Come ch'al è il timp il dì di san Zuan, 'l è probabil che si mantegni par un mês a lunc

Ploie a san Zuan, ploie plui dîs daurman e mâl pal noselam

Tant va in sot la ploie di san Zuan e tant va in sot il sec

Se al plûf il dì di san Pieri, il pancôr al doprarà une misure di farine e dôs di aghe; se al è sut, dôs di farine e une di aghe

San Pieri, san Zuan, sant’Ane e Laurinç, tons, saetis e ploie cul buinç

Cul cjalt di lui e sparissin i carui

La canicule di lui e madurìs i fasûi

Lui cjalt, anade buine