GIPPINI ESCODA, Enrique - Refraneiro galego (Escolma)

A auga de abril, enche o carro e o carril, e a de maio enche o carril e o carro

Cando con nordés chove, as pedras se moven

Cando o Pico Sacro cobre o capelo, mociñas da Ulla[,] poñede o mantelo

Cando o Pico Sacro pon touca, auga temos[,] pouca ou moita

Cando o tempo está de Ferrol, auga sen sol

Ceo escamado, vendaval ó rabo

Chovendo o dia de Santa Bibiana, chove un mes ou sete semanas

Chuvia en marzo, nin o mexo dun rato

Circo na lúa, enxuga a lagúa

Despois da Nosa Señora, vai o vran fora

Dia de Santa Inés, chuvia unha soila ves

En agosto está a auga tralo toxo

En maio aínda a auga corre tralo arado

Montelouro con touca, chuvia moita ou pouca

O ano que chove, de cen cereixas quedan nove

Pó en nadal e lama en agosto, fame no rostro

Polo San Martiño, veranciño, pola Santa Isabel, inverno a encher

Por Santos, aínda hai campos verdes e xa hai montes brancos

Se San Xoán ven craro e maio pardo, da leira prá casa cantará o carro

Se trona en xaneiro, rube as cubas ó fumeiro